Bangalore Mizo Association huaihawtin March ni 16, 2024 khan Bangalore ah Chapchar Kût hlim taka hman a ni. Hnam lam, mal zai, group zai, band leh Costume Parade te a hun hman a ni a. Chhawnghnawt leh chheih lam in hun hi khar a ni. 
Hemi ni hian Parting Social, Annual General Body Meeting leh General Election hun pawh kan hmang nghal a ni.
2024-25 term atana Bangalore Mizo Association Office Bearers tur thlan an ni a, chungte chu:
President: Pu Laldingliana Tlau Vantawl
Vice President: Rev. Dr. Lalfakawma Ralte
Secretary: Tv. R. Laldintluanga 
Asst. Secretary: Nl. Vanhmingliani Hnamte 
Treasurer: Tv. V. Lalchhandama 
Finance Secretary: Nl. Saizampuii Sailo

He ni vek hian lehkhabu “Ram rorelna leh mipuite” tih chu Patron Pi Laltlani’n a release bawk. He lehkhabu hi zawrh tura pekchhuah thuai a ni ang a, ₹150 man a ni ang. He lehkhabu hi Bangalore Mizo Association published a ni a, tualchhung leh Mizoram atanga ziak tura thlan ten thu an ziak a ni.