Bangalore Mizo Association chuan kum tin a lo tih thin danin, kumin 2023 ah pawh hian Bangalore-a Mizo awm ten kan nghahhleh em em thin Vangpui Kut chu 2nd October 2023 khian hman a ni leh dawn a; he hun ah hian hun hlimawm leh hlawkthlak tak hman tum niin, he ni piah lamah hian 18th September 2023 ah khan Vangpui Kut Infiamna neih zawh tawh a ni.

Vangpui Kut hi 2nd October 2023 ah neih tur a ni dawn a, he hun ah hian Section tinte in el leh tura beisei an ni a, he hunah hian in elna chi hrang hrang buatsaih a ni dawn a ni. A hnuai a mi angin:

1. Solo: Mipa leh Hmeichhia. Hla pahnih thlan sa awmin an duh zawk zawk an sa thei dawn a ni. Mipa: Insuihkhawm leh Zai I rel ang u/I chul tur hi (Zoawi Lelte).

Hmeichhia: Luahloh Run/ Tlawm ve lo Lalnu Ropuiliani

2. Zaipawl: BMA Hla hmanga intihsiakna hi neih a ni ang.

3. Debate: Section tin ten an section aiawh pakhat theuh an thlang anga, anni chu pahnih ve ve in an inkawp dawn a ni. Movers le Opposers te an awm anga, team khat atanga Leader te ve ve hian minute thum an nei anga, midang zawngin minute hnih an nei anga, closing argument hun atan leader te hian minute khat hun an nei leh ang.

4. Beat Contest: Section tin a\angin band pakhat theuh beisei an ni a, heng band section aiawhte hian Mizo hla an duh ber pakhat hmangin an rawn perform thei dawn a ni. An hla sak tur hi September 20 hmain Tv HMS Dawngliana hnenah hriattir tur a ni ang. 

Heng section intihsiakna bakah hian programme chhimnaawm tak tak eng emaw zat a awm dawn bawk a ni.

Cultural Show hi Section pathumte hnen atangin hmuh theihin a awm bawk ang.

Heng bakah hian Zaithian Catherine Lalpuii Khiangte a lo kal dawnbbawk a, BMA Senior Band ten hun min rawn neih sak dawn bawk piah lamah, Heartstings Band ten hun an rawn hmang dawn bawk a ni.

Result puanna leh lawman semna hi programme tawp lamah neihbnghal tur niin, Vangpui Kut a nih angin he hun ah hian Mizo ruai ropui taka buatsaih tum a ni bawk a ni.

Bangalore a Mizo awm tawh phawt Vangpui Kut Infiamna leh Vangpui Kut hmannaa tel turin kan sawm a che u…