Bible Society of India a Associate Director hna thawk turin Dr. Hrangthanchhungi chu lak a ni. Ani hi Mizo mai nilo Northeast mite aṭanga BSI a hetiang hna chelh hmasa ber a ni.

Bible Society of India ah hian department hrang hrang (Translation, Translation Center Shillong, Church Relations and Resource Mobilisation Department, Production, Marketing, Media and Special Audience, Finance, Internal Audit, Information Technology, Human Resources) a awm a. Chu’ng zinga department pakhat Church Relations and Resource Mobilization (CRRM) ah Associate Director hna thawk tura lak a ni a. A hna thawh tur tam tak zingah kohhran hrang hrangte nena thawhhona nghet leh ṭha siam te, fund raising lam te, state hrang hrang a auxiliary 16 office ami te nena thawhhona ṭha siam te, BSI chanchinbu Sowing Circle lam enkawl te, Thlarau nun lama BSI chhungkua kaihhruaite a ni dawn bawk a ni.

Kan hriat ṭheuh angin Bible a khaw hming lang hmasa ber Bangalore hi BSI hmunpui a ni a. National Office Logos House, MG road, Bangalore a office chu a ṭhutna hmun tur ani ang. Bible Society of India record ah chuan he National office ah hian North East lam atanga appoint hmasak ber a ni tiin record an siam nghe nghe a ni. Mizoram hian Bible leh ṭuldang thilah hian BSI lamah hna a thawk ṭha em em mai a. Mizo ngei hetianga he office a ṭhu thei tur leh hna chelh tura an la hi a lawmawmin a chhuanawm tak zet a ni. A hna hi March thla aṭangin a thawh ṭan beisei a ni.